Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

La Vicepresidenta del Gobiernu inaugurará en Xixón el primer centru d'atención integral a les vícitmes

Votos

(Total de votos recibidos 305)

(Puntuación 2,95)

- Marejada1.jpeg
La Vicepresidenta del Gobiernu, Dª María Teresa Fernández de la Vega, inaugurará'l viniente 25 de marzu'l Primer Centru d'Atención Integral a Víctimes de Violencia de Xéneru n'España. Ésti fizose en Xixón con sofitu públicu.
L'edificiu, conocíu como 'Casa Malva', pola color de la so fachada, abellugará a les primeres muyeres víctimes de malos tratos dende xunu. Al actu inaugural dirán, amás, el Presidente d'Asturies, D. Vicente Álvarez Areces, y l'Alcaldesa de Xixón, Dª Paz Fernández Felgueroso, y dende esi momentu axuntaráse de mena progresiva'l personal que trabayará neses dependencies. Dende la inauguración, desendolcaráse per una selmana xornaes de puertes abiertes, col envís de dar a conocer el sistema a la ciudadanía y algamar un averamientu a les asociaciones de vecinos y sectores que puen participar nel procesu de rehabilitación de les víctimes. Ésti ye'l primer centru integral que funcionará n'España dende l'aprobación de la Llei Orgánica de Midíes de Proteición Integral escontra la Violencia de Xéneru, n'avientu de 2004. Les muyeres que sufren malos tratos de les sos pareyes podrán tener una atención d'emerxencia, de sofitu y de recuperación nel marcu de los drechos d'asistencia social integral afitaos nel artículu 19 de la llei citada. La 'Casa Malva' cosntruyóse en Xixón, nuna parcela de 5.474 metros cuadraos cedida pol Ayuntamientu, con un presupuestu al rodio de 4 millones d'euros y sofitada poles alministraciones autonómica y central. El centru tien 10 pisos d'emerxencia y otros 20 de llargu agospiu, despachos pa profesionales, sala de tar, lludoteca, cocina y comedor, y podrá abellugar al rodio de 30 muyeres colos sos fíos. Un segundu edificiu consta de 12 viviendes unifamiliares tutelaes, u les muyeres podrán tar hasta un máximu de 18 meses, nun periodu d'adautación hasta la so salida con independencia de les instituciones. El centru ye parte de la rede rexonal de Cases d'Acoyimientu qu'entamó nel añu 2000, con sedes n'Uviéu, Xixón, Avilé, Valdés y ta xestionada pola Cruz Bermeya