Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

L'Ayuntamientu tien un nuevu serviciu na interné p'acutar fecha pa casase

Votos

(Total de votos recibidos 247)

(Puntuación 2,98)

L'Ayuntamientu tien un nuevu serviciu na interné  p'acutar fecha pa casase
Esti nuevu serviciu tien una mayor accesibilidá y fae qu'el consistoriu tenga yá un total de 32 trámites en llínia
L'Ayuntamientu de Xixón dispón d'un nuevu serviciu d'alministración electrónica que permitirá a les pareyes pidir fecha y hora pal so matrimoniu civil a traviés de la rede. Rescampla la ventaxa d'esti nuevu mediu pa la comprobación de la disponibilidá de feches con un añu d'avance y, arriendes d'esto, esta información tará disponible les 24 hores, actualizándose cada 8 hores. D'egual mou, esti espaciu d'interné contién una fastera na que s'esplica a los novios los requisitos que tienen de cumplir pa pder casase polo civil. Pa formalizar la solicitú, la pareya tendrá de rellenar una ficha colos sos datos personales y los de los dos sos testigos, debiendo aportar, en formatu .pdf, la copia de los cuatro DNI. Ante les posibles duldes al rodio de cómo pasar la copia de los documentos al formatu que se pide, l'Ayuntamientu inclúi un capítulu con tola esplicación del procesu. Tres la solicitú, los contrayentes recibirán la información nel menor tiempu posible, en teniendo l'emplegáu municipal tola información y compruebe que se cumplen tolos requisitos; dende esi momentu, l'Ayuntamientu contautará cola pareya per aciu del corréu electrónicu y mensaxes de testu al móvil. El serviciu tamién tien un apartáu con información na que s'alvierte de la necesidá de facer un trámite previu nos xulgaos y que la duración d'ésti ye de tres meses como mínimu. Los matrimonios civiles en Xixón tan disponibles tanto pa residentes como pa pareyes que seyan d'otres llocalidaes. El 10% de les bodes que se faen na ciudá son de persones que nun viven nel conceyu. Dende que se fizo la primera boda civil en 1995, ficiéronse nel consistoriu xixonés 2.745 enllaces. Na actualidá, la demanda tien un ritmu ascendente; en 2006 rexistróse'l mayor númberu de matrimonios, con un total de 382.