Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Serenos Xixón repartirá un nuevu planu qu'incluirá La Calzada, El Natahoyo y Moreda.

Votos

(Total de votos recibidos 282)

(Puntuación 2,99)

<i>Serenos Xixón</i> repartirá un nuevu planu qu'incluirá La Calzada, El Natahoyo y Moreda.
Per primera vegada hai un nuevu índiz de cais pa los barrios de La Calzada, El Natahoyo y Moreda, que sedrá repartíu de baldre ente los visitantes de la ciudá.
El nuevu planu desendolcólu la empresa Serenos Xixón, pionera na recuperación d'esta figura de vixilancia nocturna de les cais, n'ochobre de 1999. Serenos Xixón nació col envís de crear empleos, dando trabayu nestos años a 167 persones. Na actualidá tien una plantía de 50 empleaos. D'egual mena, en xineru de 2005 fízose empresa d'economía social. Los serenos vixilen les cais de la ciudá tolos díes del añu ente les 23:00 y les 7:00 hores. En pallabres d'un representante de la empresa, la información a los turistes ye la ocupación principal de los serenos -35% de la so actividá- faciendo esta xera en 2006, 18.065 vegaes. La presidenta de Serenos Xixón, Dª Ana Belén Viesca Álvarez conseñó la importancia del llabor de los serenos, yá que, arriendes de vixilar les cais, facen de guíes turísticos. En pallabres de so, munchos turistes sorpriéndense al atopar pela nueche con daquien que-y ufre información al rodio del allugamientu de les cais, abellugu o zones de copes