Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Principáu y VIPASA dan puxu a 573 viviendes protexíes en Roces

Votos

(Total de votos recibidos 441)

(Puntuación 3,03)

Principáu y <i>VIPASA</i> dan puxu a 573 viviendes protexíes en Roces
Esta actuación amuesa'l compromisu de collaboración y cooperación ente'l Principáu y l'Ayuntamientu de Xixón
La Direición Xeneral de la Vivienda y la empresa Viviendes del Principáu d'Asturies (VIPASA) presentaron lso proyeutos de construición de 573 viviendes protexíes contemplaes nel Plan Especial de Roces, de les que 133 sedríen apartamentos pa persones mayores que puean vivir soles. El plan desendolcáu pola Direición Xeneral de la Vivienda, tien dos edificios independientes, unu con 144 y otru con 148, amás de 88 apartamentos pa mayores que se construirán nes plantes baxes, de los que tres se reservarán pa zones d'usu común. El presupuestu de cada edificiu ta'l rodiu de 8 millones d'euros y dambos inmuebles contemplen viviendes d'unu, dos y tres dormitorios y el de 148 abellugará tamién viviendes de cuatro dormitorios. Les obres aniciaránse previsiblemente nel caberu trimestre del añu y el plazu d'execución sedrá de 24 meses. Toles viviendes incluíes nesti proyeutu sedrán d'arriendamientu. D'otramiente, el promovíu por VIPASA tien 4 edificios de carauterístiques asemeyaes, qu'abellugarán 148 viviendes; 74 en réxime d'arriendamientu y 74 en venta. D'egual mou, incluirá 48 apartamentos afayaos pa los mayores, que s'asitiarán na planta baxa. Nes plantes superiores se fadrán viviendes de dos y tres dormitorios y nel pisu baxu-cubierta habrá pisos con una habitación. El presupuestu d'esti proyeutu ye de 10 millones d'euros y les obres tamién s'aniciarán nel caberu trimestre d'esti añu, con un plazu d'execución de 16 meses. El preciu mediu de venta d'estes viviendes tará ente 90.000 y 120.000€ y la renta de los pisos n'arriendamientu nun pasará enxamás del 20% de la unidá familiar. Les actuaciones de la Conseyería na estaya de vivienda ente los años 2003 - 2007 ascienden a 12.129 y supunxieron una inversión de más de 100 millones d'euros. En concreto, aprobáronse 848 viviendes llicitaes, 345 entregaes, 21 d'emerxencia y 116 reparares, en total, 1340. En conceutu d'ayudes, diéronse 1.149 al arriendamientu, 78 al remocicamientu pal arriendamientu, 1.856 pa la merca y 4.656 pal remocicamientu, en total, 7.756. D'egual mena, en Roces entamaránse 3.033 actuaciones de vivienda protexío.